لغمان کې ټرافیکې پېښې۲ تنه ووژل او ۷ نور یې ژوبل کړل
د پنجشنبې (د وري ۲۶مه) په ورځ ماسپښین ۳ بجې د کابل _جلال اباد پر لویه لاره د قرغیو ولسوالۍ اړوند خیروخېلو سیمه کې د ټېلر او مارسیډیز موټر ترمنځ ټکر شوی چې له امله یې ۲ تنه وژل شوي او ۷ نورټپیان دي.
د لغمان د والي د رسنیو دفتر ازادي راډیو په استول شوېو معلوماتو کې ویلي چې ټپیان نږدې روغتیایي مرکز ته انتقال شوي او وضعیت یې د ډاډ وړ دی.
د معلوماتو له مخې، پېښه د موټر چلوونکو د بې احتیاطۍ له امله رامنځته شوې ده.