د پاکستان د اپوزېسیون ګوندونو ګډ ائتلاف بیا د مظاهرو او غونډو اعلان وکړ
دغه ائتلاف ویلي لومړۍ غټه مظاهره به د جولای میاشت په لومړۍ اوونۍ کې په سوات کې کوي.
د مې پر ۲۹مه، تر غونډې وروسته د ائتلاف مشر مولانا فضلالرحمان په يوه خبري غونډه کې وویل دوی پرېکړه کړې چې د مظاهرو او احتجاجونو ترڅنګ به د حکومت د درغليو پر ضد محکمو ته هم ځي.
نوموړي زیاته کړه چې د صدراعظم عمران خان په مشرۍ حکومت د خلکو مسايلو حل کولو او د چارو په مخته وړلو کې ناکامه شوی، نو ځکهیې پایښت ارزښت نهلري.
حکومتي چارواکي د اپوزېسیون مظاهرې سياسي چل ګڼي او دريځ لري چې د درغليو په قضیو کې له سزا د بچ کېدو لپارهیې شور جوړ کړی دی.