چارواکي: د خاص ارزګان ولسوالۍ اداري چارې، پوځي اډې ته انتقال شوي
په خاص ارزګان کې د ملي اردو د کنډک قوماندان خان محمد ازادي راډیو ته وویل چې بازار پخوا هم له طالبانو سره و: "د امنیه قومانداني پرسونل موږ د کمپ څنګ ته را انتقال کړی دی. د ولسوالۍ ودانۍ د استفادې وړ نه وو، ځکه چې تخریب شوې وه، ویجاړه شوې وه."
خان محمد زیاته کړه چې تېره شپه یې په سیمه کې د طالبانو بریدونه په شا تمبولي دي او اووه طالبان یې وژلي دي.
د طالبانو ویاند قاري یوسف احمدي رسنیو ته په استولي پیغام کې ویلي چې د خاص ارزګان د ولسوالي مرکز یې نیولی دی او پولیس د ملي اردو کمپ ته په شا شوي دي.