طالبان: پنجشېر ولایت په بشپړه توګه زموږ کنټرول لاندې راغی
د طالبانو ویاند ذبیحالله مجاهد په یوه بیان کې وویل چې په دې بري سره افغانستان په بشپړ ډول له جنګ جګړو څخه راووت.
ښاغلي مجاهد په دغه بیان کې د پنجشېر ولس ته ډاډ ورکړی چې په هېڅ ډول به ورسره توپیري چلند نهکېږي او په ګډه به د یوه هېواد او یوه هدف لپاره سره خدمت کوي.
خو د مقاومت د ملي جبهې یوه ویاند علي میثم نظري د طالبانو دغه ادعا رد کړې او بيبيسي تهیې ویلي چې طالبانو پنجشېر په بشپړ ډول نهدی نیولی.
ډېره ګرانه ده چې په خپلواکه توګه د جګړې د دواړو لورو ادعاوې تأیید شي ځکه پر پنجشېر ټولې مواصلاتي لارې او مخابراتي شبکې طالبانو بندې کړې دي.