پاکستان: یوه سړي اعتراف کړی چې خپله پخوانۍ مېرمن یې وژلې
د وجیهې سواتۍ په نوم دغه پاکستاني الاصله ښځه چې د امریکا د متحدو ایالاتونو تابعیت یې هم درلود، د اکتوبر میاشتې په نیمايي کې پاکستان ته تر رسېدو ورکه شوه.
هغې غوښتل له خپل مېړه، رضوان حبیب سره د جایدادونو پر سر ولاړه شوې لانجه حل کړي.
په راولپنډۍ کې د پولیسو یوه مشر ساجد کیاني نن یوه کنفرانس ته وویل، حبیب چې تېره اوونۍ د قتل په شک ونیول شو، اعتراف کړی چې خپله مېرمن یې راولپنډۍ ته له رسېدو سره سمه وژلې ده.
څېړونکو ویلي چې د دوی په باور مېرمن سواتۍ ښايي د جایداد پر سر د لانجې له کبله وژل شوې وي.