ډاکټر شکیل وايي ځوانان باید د اوبو سمبالولو علم وکړي
د مشال مرکه کې مو د صوابۍ یو ځوان ډاکټر شکيل ميلمه دی چې له هالينډه یې د اوبو پر سياست پي ايچ ډي زده کړې ترلاسه کړي دي. ډاکټر شکیل د اوبو لپاره د ملي کونسل کې د خيبر پښتونخوا استازی دی. نوموړي وايي، په موجوده وخت کې د اوبو په اړه په سيمه کې لانجې هوارول ډير زيات ضروري دي. ده وويل چې پاکستان بايد له ګاونډيو هېوادونو سره د اوبو پر سر مسلې پر وخت حل کړي. د خپرونې کوربه ګل اياز دی.