د اوکراین په شرق کې د وضعیت په اړه د ناټو هېوادونو او روسیې خبرې پیل شوې
د روسیې چارواکو د ناټو د ۳۰ غړیو هېوادونو د استازو ترمنځ خبرې نن په بروکسل کې د ناټو په مقر کې پیل شوې، خو په دې خبرو کې د کوم ممکن پرمختګ کمه تمه کېږي.
د اوکراین پر پولو د روسي ځواکونو پنډېدل او په دې اړه اندېښنې چې ممکن روسیه پر اوکراین یرغل وکړي، د خبرو د اجنډا په سر کې دي.
مسکو شااوخوا ۱۰۰ زره سرتیري د اوکراین په پولو او له اوکراین څخه په جلا کړې کریمیا ټاپووزمه کې ځای پر ځای کړي دي.
د روسیې حکومت په ۲۰۱۴ م کال کې له اوکراین څخه کریمیا ټاپووزمه ونیوله او له روسیې سره یې یو ځای کړه.