کابل کې چاودنه شوې، یو ماشوم یې وژلی دی
په کابل کې یوې چاودنې یو ماشوم وژلی دی.
د طالبانو د کورنیو چارو وزارت وايي، دا چاودنه نن یکشنبه (د مرغومي ۲۶مه) د کابل ښار د دولسمې امنیتي حوزې اړوند بتخاک څلور لاري سره نږدې شوې ده.
د دغه وزارت مرستیال ویاند عقیل جان عزام رسنیو ته په استولي پیغام کې دا پېښه تاييد کړې او ویلي یې دي چې په دې اړه یې څېړنې روانې دي.
د پېښې مسوولیت تر اوسه کومې ډلې نه دی منلی.