د کلیو او کرنې د پراختیا موسسه: لغمان کې د بېرو ۳لکه ونې کینول کیږي
د کرنې، اوبو لګولو او مالدارۍ وزارت ویاند مستعین عمري نن سې شنبه (د سلواغې ۵مه) ازادي راډیو ته وویل چې د یادې موسسې د فعالیت په پیل سره به په لغمان ولایت کې د بېرو درې لکه ونې کېنول شي.
د ښاغلي عمري په خبره، د کلیو او کرنې د پراختیا موسسه به سږکال د 'WFP' موسسې په مرسته به لغمان ولایت کې د بېرو د ونو شته ځنګلونه هم بیاورغوي.
د کرنې وزارت د معلوماتو پر بنسټ، د دغو ځنګلونو په بیارغېدو سره به ۵۲۲ کسانو ته د کار زمینه برابره شي.
د بېرو ونې د اقلیمي ګټو ترڅنګ، اقتصادي ګټې هم لري او د شاتو مچیو د روزلو لپاره مناسبې بلل شوي دي.