ډنمارک: طالبانو د ښځو په اړه خپلې ژمنې تر پښو لاندې کړي
په ملګروملتونو کې د ډنمارک دایمي استازولۍ په یوه ټویټ کې ویلي، چې د طالبانو وروستي اعلان چې افغان ښځې باید په عام محضرکې مخونه پټ کړي او یوازې د اړتیا په صورت کې له کوره ووځي، د ښځو او نجونوله اساسي بشري حقونو څخه سرغړونه او په دې برخه کې د طالبانو له لوري له کړیو ژمنو سره په تضاد کې دی.
دغه راز ټاکل شوې، چې نن د ملګروملتونو امنیت شورا چې ناروې رابللې، په یوه غونډه کې د افغان ښځو د حقونو پر مسئلې خبرې وکړي.