افغانستان زلزله: د پکتیکا اوسېدونکي د سترګو لیدلی حال بیانوي
د پکتیکا یوشمېر اوسېدونکي وايي، د جون پر ۲۲مه نیمه شپه زلزلې ويښ کړل او چې بهر ولاړل نو په کلیو کې یې ګڼ کورونه ړنګ پراته ول. د دوی په خبره، ښايي تر ړنګو کورونو لاندې ځینې کسان بند پاتې وي. طبیعي پېښو ته د رسېدو چارو د وزارت مرستیال شرف الدین مسلم وايي، د طالبانو حکومت له زلزله ځپلو سره مرستې کوي. د امریکا غږ اشنا راډیو او ټېلېوېژن ویډیويي رپورټ.