سوات کې اوس هم خلک د اوبو په ژرنده دانې اوړه کوي
د خيبر پښتونخوا د سوات په بېلا بېلو کليو کې اوس هم خلک د اوبو په ژرندو دانې اوړه کوي. ځايي اوسېدونکي وايي چې د ژرندې اوړه که يو خوا پاک وي نو بلخوا د بازار پرتله ارزانه ورته پرېوځي ځکه زياتره خلک خپلې هغه دانې ورباندې اوړه کوي چې د دوی په پټو کې شوې وي. د مشال راډيو خبريال نياز احمد خان د سوات د چار باغ يو کلي ته تللی او د ژرندې په اړه يې ويډيو راپور جوړ کړی دی.