د اوکراين پوځ: پر 'پيسکي کلي' مو د روسيې بريدونه په شا تمبولي
د اوکراین پوځ پرون (پنجشنبې) وویل چې روسي ځواکونو لږ تر لږه دوه ځلې پر پیسکي کلي حمله کړې خو بریدونه یې تمبول شوي دي.
د اوکراین پوځ په دې سیمه کې، چې دونیڅک ښار ته نږدې ده، د خپلو مخالفو وسله والو پر ضد له اتو کلونو راهیسې کلکې مورچې جوړې کړي دي.
د روسیې دفاع وزارت هم پرون تأیید کړه چې ځواکونو یې پر پیسکي سیمې یریدونه پیل کړي دي.
د اوکراين په بېلابېلو سيمو کې د روسي او اوکرايني ځواکونو ترمنځ لا هم شديده جګړه روانه ده.
د اوکراين ولسمشر ولودمير زلنسکي تېره ورځ ويلي و، اوکراين کې د جګړې لومړۍ کرښې دوزخ ته ورته دي.
نوموړي ويلي وو، دوی به د روسي ځواکونو پر وړاندې د امريکا ورکول شوي توغندي وکاروي.