ايران: سېلابونو له امله د ۵ افغانانو په ګډون ۲۳ بې درکه شويو کسانو مړي موندل شوي
ایراني رسنۍ وايي، د دغه هېواد د پلازمېنې په شمال کې په سېل کې د ۲۳ تنو بې درکه شویو کسانو مړي یې موندلي چې د هغو په منځ کې ۵ تنه افغانان دي.
د تهران د امام زاده داوود په سیمه کې تېره اوونۍ لسګونه تنه سېل یووړل.
ایراني رسنیو د تهران ولایت د پولیس چارواکو په قول ویلي چې تر اوسه پورې یې د ۲۳ تنو مړي موندلي او د ډي این اې ازمېښت له مخې ورته څرګنده شوې چې د هغو په منځ کې ۵ تنه افغانان دي او خپلو کورنیو ته یې سپارلي دي.
د ځینو راپورونو له مخې، د تهران په شمال کې د تېرې اوونۍ په سیلونو کې لږ تر لږه ۲۰۰ تنه مړه شوي یا بې درکه شوي دي.