منصور احمد خان: پاکستانی خبريال انس مالک خوندي ځای کې دی
له هغې وروسته چې په کابل کې د یو پاکستاني خبریال د ورکېدو خبرونه لاس په لاس شول په کابل کې د پاکستان سفیر منصور خان په خپل ټویټر ولیکل چې له نوموړي سره په اړیکه کې دی او هغه خوندي ځای کې دی.
ښاغلي منصور خان لیکلي چې له انس مالک سره یې په ټیلفون خبرې کړي او هغه اوس مهال خوندي دی.
یو شمېر پاکستاني خبریالانو په ټویټر لیکلي و چې (اویان ورځپانۍ) خبریال انس مالک د پنجشنبې ورځې راهیسې لا درکه شوی او هیڅوک یې په اړه معلومات نه لري.
دغه خبریال له هغې وروسته چې امریکا په کابل کې د القاعده شبکې مشر ایمن الظواهري وواژه د راپور جوړونې لپاره افغانستان ته تللی و.