محکمې د عمران خان د نيول کېدو د ضمانت موده بلې اوونۍ پورې تمديد کړه
پر عمران خان د ترهګرۍ تور لګېدلی دی.
محکمې نن دا قضیه د سپتمبر تر لومړۍ نېټې وغځوله، د محکمې د دې پرېکړې پر مهال په پلازمېنه اسلام اباد کې په خپله عمران خان هم حاضر و.
رویټرز اژانس د عمران خان د مدافع وکیل بابر عوان په وینا خبر ورکړ چې د دوی دفاعیه ډله به هڅې کوي چې هرڅومره چې ممکنه وي هغومره به د تمدید لپاره هڅې کوي.
پر عمران خان د اګست په دوه ویشتمه د ترهګرۍ تور وروسته تر دې پورې شو چې ده په اسلام اباد کې د وینا پر مهال وویل چې، د پولیسو پر افسرانو او یوه قاضي به ادعا وکړي چې د ده یو نږدې ملګری یې تر نیولو وروسته شکنجه کړی دی.
عمران خان په دوه زره اتلسم کال کې صدر اعظم شو او سږ کال پارلمان د اپریل په میاشت کې د باور رایه ترې بېرته واخیسته.
حکومتي چارواکي دی د پاکستان د اقتصاد په خرابۍ تورنوي او عمران خان هڅې کوي چې بیا انتخابات ترسره شي.