اسيام جام؛ نن بنګلهدېش له سرېلانکا سره لوبه کوي
د کرېکټ د اسيا جام سياليو په لړ کې نن د بنګلهدېش او سریلانکا ټیمونه لوبیږي.
د دې لوبې ګټونکی به د څلورو غوره پړاو ته ووځي او بایلونکی یې له مخکې تګ پاتې کېږي ځکه دواړو ټیمونو خپلې لومړۍ لوبې په افغانستان بایللي.
د اسیا جام تېره شنبه د افغانستان، هند،پاکستان، بنګلهدېش، سرېلانکا او هانک کانګ تر منځ پيل شو.
تر دې دمه له بې ډلې افغانستان او له اې ډلې هند څلورو غوره پړاو ته لار پیدا کړې ده.
د څلورو غوره پړاو یا سوپر فور په لړ کې به یو وار بیا ټیمونه سره مخ کېږي او د سر دوه به یې پایلوبې ته وځي.