د کرکټ نړیوال جام سیالۍ؛ نامیبیا د ۵۵ منډو په توپیر سریلانکا ته ماتې ورکړه
نن په استرالیا کې د کرکټ د شل اورونو نړیوال جام لوبې پیل شوې.
په یوه لوبه کې نن نامیبیا د ۵۵ منډو په توپیر سریلانکا ته ماتې ورکړه.
بله لوبه د متحد عربي اماراتو او هالنډ تر منځ ده.
دا څلور سره لوبډلې د لومړي پړاو په الف ګروپ کې دي.
د دې پړاو په بل ګروپ کې ویسټ انډیز، سکاټلنډ، زیمبابوې او ایرلنډ یوځای شوې دي.
ټاکل شوې ده چې له دې دوو ګروپونو به څلور لوبډلې د پیاوړیو لوبډلو پړاو ته وځي.
په دغو لوبو کې افغانستان هم شامل دی چې لومړۍ رسمي لوبه به یې د شنبې په ورځ له انګلستان سره وي.
د دې جام د تیاریو لپاره سبا دوشنبه افغانستان له بنګله دېش سره تمریناتي لوبه کوي.