د کرکټ نړیوال جام سیالۍ؛ افغانستان خپله لومړۍ سیالۍ انګلستان سره کوي
د انګلستان د کرکټ د ملي لوبډلي الراونډر سام کرن رسنیو ته په استرالیا کې وویل چې افغانستان پياوړې لوبډله ده او له دې ټیم سره به مسابقه د دوی لپاره اسانه نه وي.
انګلستان چې د پنځوس اورونو اتل ټیم دی، په تېرو شاوخوا دوو کلونو کې د شل اورونو د ملي ټیمونو په کتار کې کله د لومړي ټیم په حد امتیازات خپل کړي، کله هم د دوهم ټیم.
د کرکټ د شل اورونو نړیوال جام لوبو پایلوبه به د نومبر په دیارلسمه ترسره شي.