روسیې او مولداوا له خپلو خاورو یو د بل ډیپلوماتان ایستلي
روسیې او مولداوا له خپلو خاورو یو د بل ډیپلوماتان ایستلي دي.
پرون د لومړي ځل لپاره مولداوا وروسته تر هغه د روسیې یو ډيپلومات اخراج کړ چې د اوکراین له خوا د روسیې یو پرځول شوی توغندی د مولداوا د شمال په یوه کلي راپرېوت.
د توغندي غورځېدو که څه هم مرګ ژوبله وانه ړوله، خو سیمه کې یې د څو کورونو کړکۍ ماتې کړي دي.
د مولداوا له خوا د روسي ډيپلومات تر اخراج څو ساعته وروسته مسکو هم اعلان وکړ چې یو مولداوایی ډيپلومات یې اخراج کړ.
روسیې پرون یو ځل بیا پر اوکراین لسګونه توغندي وتوغول چې تر ډېره یې هدف د انرژۍ تاسیسات وو.