اېمل ولي خان وايي د پښتنو ملتپاله ګوندونو پلویان نه دي کم شوي
د عوامي نیشنل ګوند د خیبر پښتونخوا مشر اېمل ولي خان په وروستیو ضمني انتخاباتو کې د خپل ګوند د ماتې په تناظر کې دعوه کړې ده چې د پښتنو د ملتپاله سیاسي ګوندونو پلویان کم شوي نه دي خو رسنۍ ورته په خپلو خپرونو او خبرونو کې مناسب ځای نه ورکوي. نوموړي د نومبر پر دویمه له مشال راډیو سره په مرکه کې وویل چې په اکتوبر کې د ضمني انتخاباتو نتیجې نه مني. خان داراز وویل چې په خیبر پښتونخوا کې د امنیت د ټینګښت چارې له حکومتونو سره نه بلکې له "ډیپ سټېټ" سره دي. دا اصطلاح اکثر د پوځي او استخباراتي ادارو لپاره کارېږي. د عوامي نیشنل ګوند هغه مشر په افغانستان کې د طالبانو حکومت ته په اشاره وویل چې د "ټوپک په زور" جوړ شوی حکومت "نه مني." بشپړه مرکه وګورئ.