په کراچۍ زندان کې د مړ شوي افغان پناه غوښتونکي جسد افغانستان ته لېږدول شوی
د پاکستان په کراچۍ کې د یوه افغان مړی چې په توقیف کې یې ساه ورکړې وه، افغانستان ته ولېږدول شو.
دغه کس له نورو افغانانو سره یوځای د اکتوبر پر شلمه په کراچۍ کې نیول شوي وو، چې په توقیف کې ساتل کېدل.
په پاکستان کې د نیول شویو افغانانو مدافع وکیلې منیزې کاکړ، ازادۍ راډیو ته وویل: "له ډېرو هڅو وروسته دغه مړی د هوا له لارې له کراچۍ اسلام اباد ته ولېږدول شو، بیا د تورخم له لارې افغانستان ته ولېږل شو."
د منیزې کاکړ په وینا، د دغه افغان زوی لا هم په کراچۍ کې له نورو افغان پناه غوښتونکو سره یوځای بندي دی چې افغانستان ته یې د لېږدولو اجازه ورنه کړل شوه.