امريکا روسيه کې د خپل يو زنداني په اړه اندېښنه ښودلې
د امریکا متحد ایالتونو د خپل یوه تبعه، پاول ویلان په اړه چې په روسیه کې زنداني دی، اندېښنه ښکاره کړه.
د سپینې ماڼۍ ویاند جان کربي پرون وروسته تر دې اندېښنه څرګنده کړه چې د پاول ویلان کورنۍ وویل چې، له یوې اونۍ راهیسې یې هیڅ حال نهشته.
د کربي په وینا، امریکایي دیپلوماتان کوښښ کوي چې د پاول ویلان له وضعیته خبر شي.
روسیې تر اوسه په دې اړه څه نهدي ویلي.
پاول ویلان پخوا د امریکا د سمندري پلیو ځواکونو سرتیری و چې په دوه زره اتلسم کال کې د روسیې له لورې د جاسوسۍ په تور ونیول شو بیا دوه کاله وروسته په شپاړس کاله بند محکوم شو.