ريچارډ بېنيټ: د افغان مېرمنو حقونه تر پښو لاندې شوي دي
د افغانستان د بشري حقونو لپاره د ملګرو ملتونو ځانګړي راپور ورکوونکي ریچارډ بېنيټ ویلي د افغان مېرمنو حقونه سخت تر پښو لاندې شوي.
ښاغلي بېنيټ په یوه ټوېټ کې بېګاه دا خبره کړې.
هغه زیاته کړې چې افغان مېرمنې د نورو انسانانو په څېر د تعلیم او کار مساوي حق لري.
ریچارډ بېنيټ ویلي د افغان مېرمنو تر څنګ دریږي او د حق غوښتنه یې کوي.
طالبانو له شپږم ټولګي پورته د نجونو ښوونځي تړلي، د پوهنتونو دروازې یې هم د نجونو پر مخ وتړلې او تېره اوونۍ یې په غیر دولتي موسسو کې د ښځو پر کار هم بندیز ولګاوه.