کرکټ؛ سبا د افغانستان او سريلانکا دويمه يو ورځنۍ سیالۍ ده
د افغانستان او سریلانکا د کرکټ د ملي لوبډلو ترمنځ سبا یکشنبې د روانو یو ورځنیو لوبو د لړۍ دویمه سیالي ده.
دا لوبه د کابل په وخت د سهار نهه بجې د سریلانکا په همبنټوټا ښار کې پیلېږي.
د دواړو لوبډلو ترمنځ لومړۍ لوبه پرون افغان لوبغاړو د شپږو وېکټو په توپیر خپله کړه.
که چېرته افغانان په سبانۍ لوبه کې سریلانکا ته ماتې ورکړي، نو د درېیو پنځوس اووره لوبو د دې لړۍ جام به وګټي.
د دواړو لوبډلو ترمنځ درېیمه یوه ورځنۍ لوبه د چهارشنبې په ورځ ده.