ګورډن براون: له زده کړو د افغان نجونو محرومول لویه بشري سرغړونه ده
ښاغلی براون چې د برېتانیا د صدراعظم په توګه یې هم دنده ترسره کړې پرون د بي بي سي له راډیو۴ سره په مرکه کې له ښځو او نجونو سره د طالبانو چلند د بشریت ضد له جنایت سره تشبېه کړی دی.
د نړیوال تعلیم لپاره د ملګرو ملتونو ځانګړي استازي له نړیوالې جزايي محکمې وغوښتل هغه کسان مجازات کړي، چې له بشري حقونو یې ظالمانه سرغړونه کړې ده.
طالبانو پر افغانستان د ولکې له بیاټینګولو وروسته نجونو ته تر شپږم ټولګي پورته د نور تعلیم اجازه نه ده ورکړې او د دوی پرمخ یې د پوهنتونو دروازې هم تړلې دي.