اوچا: د نجونو پر زدکړو د بنديز ۳ کاله، له بنسټیزو حقونو سرغړونه ده
د ملګرو ملتونو د بشري چارو د همغږۍ دفتر "اوچا "پرون یکشنبه د فبرورۍ پر ٢ پر خپله ايکس پاڼه په يو بيان کې ويلي چې د نجونو پر زدکړو بنديز چې درېيم کال يې روان دى له بنسټیزوحقونو سرغړونه ده.
اوچا زياتوي چې "دا سرغړونه باید پای ته ورسیږي."
د ملګرو ملتونو د معلوماتو له مخې، له ۲۰۲۱ کال راهیسې، چې طالبان بيل واک ته رسېدلي، یو عشاریه پنځه میلیونه تنکۍ نجونې له شپږم ټولګي پورته ښوونځیو ته د تګ څخه منع شوې دي.
په همدې حال کې په افغانستان کې له زده کړو بې برخې شوې یو شمېر نکونې وايي نړیوال دې پر زده کړو د بندیز د لیرې کېدو لپاره عملي اقدامات وکړي.
د ښوونځي پخوانۍ زدکونکې او د کابل اوسېدونکې هديې په دې اړه ازادي راډيو ته وويل:
دا په داسې حال کې ده چې په افغانستان کې واک ته د طالبانو تر بیا ځلې رسېدو وروسته له شپږمو ټولګیو پورته تر پوهنتونه د نجونو په هر ډول زده کړو بندیز لګول شوی دی.
د کابل اوسېدونکې مسکا چې د تېر میلادي کال په وروستیو کې یې پر طبي زده کړو بندیز ولګېده ازادي راډيو ته وویل:
"ما په يوولسم ټولګي کې زدکړې کولې د طالبانو په راتګ سره زمونږ ښوونځي وتړل شول او موږ ته يوولسم او دولسم ټولګيو څخه ارتقا راکړل شوه او د ښوونځي سند مې تر لاسه کړ او انستيټيوت کې مې طبي زدکړې پيل کړې درې سمستره مې وويل خو اوس يې هغه هم وتړل زه ډېره خفه يم که نور زدکړو ته دوام ور نشم کړى ځکه يو ځل يې چې له زدکړو ووېستو ماته مو و نه منله اوس مو بيا هيلې وژني د طالبانو د دې کارونو مخه بايد نور ونيول شي ځکه دا څنګه امر ثاني دى چې نه رارسېږي".
په ورته وخت کې د زده کړو د برخې یو شمېر فعالان د نجونو پر زده کړو بندیز افغانستان ته یو ګواښونکی ناورین بولي.
د زده کړو د برخې فعال مستعین وزین په دې اړه ازادي راډیو ته وویل:
او پرې نه ږدي چې دغه ملت نور د جهل او تيارو خواته لاړ شي."
طالبانو پر افغانستان تر بیا ځلې واکمنۍ وروسته د زده کړو او کار په ګډون پر ښځو ګڼ محدودیتونه لګولي دي.
که څه هم په دې اړه د ملګرو ملتونو په ګډون ګڼو بنسټونو اندېښنه ښودلې او له طالبانو یې غوښتي چې پر ښځو دا محدودیتونه لیرې کړي خو طالبانو نه یوازې دا چې په دې برخه کې یې نرمښت نه دی ښودلی بلکې د دغه محدودیتونو پر پلی کېدا یې ټینګار کړی دی.