Ndihmësi i Trumpit dënohet me 40 muaj burgim
Roger Stone, 67 vjeç, u gjet fajtor nëntorin e kaluar.
Dënimin e shpalli gjykatësja Amy Berman Jackson në Uashington, e cila tha se Stone e ka kërcënuar atë.
Stone është ndihmësi i gjashtë i Trumpit që dënohet nën akuzat që lidhen me ndërhyrjen e Rusisë në zgjedhjet presidenciale në SHBA, më 2016.
Stone u gjobit edhe me 20,000 dollarë dhe duhet të shërbejë 250 orë për komunitetin.
Dënimi i tij, megjithatë, është më i vogël se rekomandimi fillestar i prokurorëve për shtatë deri në nëntë vjet burgim.
Përmes një serie postimesh në rrjetin social, Twitter, Trump i ka konsideruar kërkesat për burgosjen e Stone si “të tmerrshme dhe të padrejta”.
Më pas, prokurori i përgjithshëm i Shteteve të Bashkuara, William Barr, ka rekomanduar dënim më të ulët për Stone, duke nxitur reagime për ndërhyrjen e mundshme të presidentit në këtë rast.
Për rrjedhojë, katër prokurorë kanë dhënë dorëheqje.
Lexoni edhe këtë:
Prokurori amerikan: Postimet e Trumpit ma bëjnë të pamundur punën