Зилзила ва сунамӣ 400 нафарро дар Палу қурбон кард
Дар натиҷаи заминларзаи қавӣ ва сунамии баъд аз он дар шаҳри Палуи Индонезия 400 нафар кушта шудаанд. Мақомоти расмӣ рӯзи 29-уми сенябр гуфтанд, ки дар фалокат рӯзи 28-уми сентябр дар ҷазираи Сулавесӣ ба вуқуъ пайваст, сунамии 2 метрӣ субҳгоҳон шаҳри Палуро, ки хонаи 350 ҳазор нафар аст, шуст.
Сунамӣ баъди зилзилаи 7.5 дараҷаӣ бархостааст. Вазорати ҳолатҳои фавқуллодаи Индонезия гуфт, ки теъдоди қурбониёни фалокат то кунун ба 384 нафар мерасад, вале мумкин аст, зиёдтар шавад.
Суторо Пурво Нугроҳо, сухангӯи вазорат гуфт, ки ҷасадҳои қурбониёнро аз чанд ҷой пайдо кардаанд, чун баъзе зери биноҳои вайроншуда мондаанд ва баъзеро об бурдааст.
Қатъи неруи барқ дар атрофи Палу ва пасларзаҳо кори маъмурони наҷотро мушкил кардааст. Дар телевизионҳои маҳаллӣ пулҳову хонаҳои фурурехта ва роҳу биноҳои осебдидаро намоиш доданд.