Ҳукумат ба хонандаи ҳушманди бухороӣ хона сохт
Дар вилояти Бухорои Узбекистон мақомоти маҳаллӣ барои хонаводаи хонандаи синфи 9 Дониёр Исмоилов хона сохтанд. Дониёр борҳо дар олимпиадаҳои байналхалқӣ аз фанни риёзӣ ширкат кардааст. Дар ҳоли ҳозир дар хонаи навсохт корҳои рангу бор идома дорад.
Соли гузашта расонаҳои маҳаллӣ хабар дода буданд, ки модари Дониёр Исмоилов аз дарди ҷигар ранҷ мекашад ва падараш мардикор аст. Ба далели мушкилиҳои хонаводагӣ вай натавонист, ки таҳсилашро идома диҳад.
Ба навиштаи расонаҳо, раиси вилояти Бухоро Уктам Барноев Дониёрро ба ҳузур пазируфтааст. Раёсати маориф ба Дониёр ноутбук ва шӯрои вилоятии Иттифоқи ҷавонони Узбекистон китобхонаи шахсӣ тақдим мекунанд.