Ҷоми ФФТ: Кадом даста ғолиб мешавад - "Кӯктош" ё "Истиқлол"?

Имрӯз, 5-уми март, бозии ниҳоии Ҷоми ФФТ (Федератсияи футболи Тоҷикистон)-2019 миёни дастаҳои «Кӯктош»-и Рӯдакӣ ва «Истиқлол»-и Душанбе барпо мегардад.

Ба иттилои Федератсияи футболи Тоҷикистон, бозии ниҳоии Ҷоми ФФТ дар Варзишгоҳи марказии Душанбе соати 14:00 шуруъ мешавад. Пеш аз финал имрӯз соати 11:00 дар Варзишгоҳи марказии Ҳисор бозӣ барои ҷойи сеюм миёни дастаҳои «Регар-ТадАЗ»-и Турсунзода ва «Душанбе-83»-и Душанбе оғоз меёбад.

Ёдовар мешавем, “Кӯктош” дар нимфинал бар «Регар-ТадАЗ»  бо ҳисоби 3:1 ғолиб омад. “Истиқлол” бошад, дар бозии ниманиҳоӣ тими «Душанбе-83»-ро бо ҳисоби 5:0 шикаст дод.

Ҷоми ФФТ шуруъ аз соли 2012 барои бори ҳаштум доир гардидааст. Ҳамагӣ се даста ин Ҷомро ба даст овардааст. “Истиқлол” соли гузашта дар бозии ниҳоӣ бар «Регар-ТадАЗ» бо ҳисоби 3:1 ғолиб шуда, бори чорум бо Ҷом сарфароз гашт. «Регар-ТадАЗ» ду бор ва “Хайр”-и Ваҳдат як бор барандаи Ҷоми ФФТ гардидаанд.

Ҷоми ФФТ-2019

5 март (сешанбе)

Бозӣ барои ҷойи сеюм

Оғози бозӣ - соати 11:00

«Регар-ТадАЗ» — «Душанбе-83»

Сардовар: Беҳрӯз Муртазоев (Душанбе).

Ҳисор, Варзишгоҳи марказӣ.

Финал

Оғози бозӣ - соати 14:00

«Кӯктош» — «Истиқлол»

Сардовар: Насрулло Кабиров (Норак).

Душанбе, Варзишгоҳи марказии ҷумҳуриявӣ.

Натоиҷи ҳамаи бозиҳои ниҳоии Ҷоми ФФТ (2012-2018):

2012 – «Регар-ТадАЗ» (Турсунзода) – «Хайр» (Ваҳдат) – 1:0

2013 – «Хайр» (Ваҳдат) – ССКА «Помир» (Душанбе) – 1:1. Аз рӯи пеналтӣ – 6:5

2014 – «Истиқлол» (Душанбе) – «Хайр» (Ваҳдат) – 2:0

2015 – «Истиқлол» (Душанбе) – «Хайр» (Ваҳдат) – 5:1

2016 – «Регар-ТадАЗ» (Турсунзода) – «Хуҷанд» (Хуҷанд) – 1:0

2017 – «Истиқлол» (Душанбе) – «Регар-ТадАЗ» (Турсунзода) – 2:1

2018 – «Истиқлол» (Душанбе) – «Регар-ТадАЗ» (Турсунзода) – 3:1