Роҳпаймоии “Полки ҷовидон”, яке аз маъракаҳои асосии Рӯзи Ғалаба имсол дар Душанбе пуршукӯҳ баргузор нашуд. Як қисми ширкатдорон маъракаро дар дохили пойгоҳи 201-уми Русия ва гурӯҳи хурде онро дар “Боғи Ғалаба” гузаронданд.
Пайвандони Бузургмеҳр Ёров, адвокати зиндонии тоҷик мегӯянд, баъди ирсоли як нома аз дохили зиндон ӯро барои ду ҳафта ба боздоштгоҳи ҷаримавӣ (ШИЗО) интиқол додаанд.
Телевизиони давлатии Покистон боздошти Имрон Хон, нахуствазири пешини ин кишварро таъйид кард. Тибқи ин гузориш, Имрон Хон рӯзи 9-уми май дар дохили Додгоҳи олии Исломобод боздошт шудааст. Як сенатор аз ҳизби Имрон Хон, ки нахост номаш зикр нашавад, низ дар суҳбат бо Радиои Аврупои Озод/Радиои Озодӣ боздошти вайро таъйид кард. Имрон Хон як рӯз баъд аз он боздошт шуд, ки як генерали баландпояи артишро ба даст доштан дар талоши суиқасд ба ҷони вай дар соли гузашта, муттаҳам кард. Аммо артиши Покистон ин иттиҳомро беасос хонда, рад карда буд. Читать дальше...
Дар ҳамлаи нерӯҳои исроилӣ ба Ғаза 13 нафар ҷон бохтанд. Ҳамлаҳои Исроил субҳи сешанбе сурат гирифт ва ба гуфтаи мақомот дар Телавив, се тан аз фармондеҳони Ҳаракати ҷиҳоди исломии Фаластин бо ҳамсар ва фарзандонашон кушта шуданд. Бемористонҳои фаластинӣ аз интиқоли дастикам 20 захмӣ низ дар ҳамлаҳои Исроил хабар доданд. Вазорати тандурустии Фаластин дар Ғаза аз интиқоли ҷасади 13 кушта ба сардхонаи бемористонҳо хабар дод. Ҳамзамон мотами умумӣ ва коршикании саросарӣ дар ин минтақа оғоз шудааст. Читать дальше...
Владимир Путин, президенти Русия бо чанд ҳамтои худаш аз кишварҳои шӯравиии собиқ имрӯз, 9-уми май, аз 78-умин солгарди "Иди Ғалаба", пирӯзӣ бар Олмони фашистӣ таҷлил карданд.
Як корманди собиқи милиса бесарпаноҳ мондааст ва мегӯяд, талошҳояш барои соҳиб шудан ба манзили зист бенатиҷа будааст.
Ҳукумати Тоҷикистон беш аз ду даҳсола мешавад, пайваста дар бораи кӯшишҳои худ барои боло бурдани мақоми занон ва беҳбуд бахшидан ба зиндагии онҳо ҳарф мезанад. Аммо бархӯрде, ки дар нисбати қаҳрамони гузориши мо сурат гирифтааст, муносибати баръаксро нишон медиҳад.
Мақомоти милисаи шаҳри Душанбе ҳодисаи оташ гирифтани як хонандаи мактабро шарҳ дода, гуфтааст, ба таҳқиқи ин навор шурӯъ кардааст. Рӯзи гузашта дар шабакаҳои иҷтимоӣ наворе нашр шуд, ки як хонандаи мактаб ҳангоми тамрин ва омодагӣ ба ҳолатҳои фавқулода дар саҳни мактаб месӯзад. Раёсати Вазорати корҳои дохилӣ дар шаҳри Душанбе гуфтааст, ин ҳодиса санаи 6-уми майи соли ҷорӣ дар мактаби миёнаи рақами 67-и ноҳияи Сино рух додааст. Ба гуфтаи манбаъ, дар ин мактаб машқҳои мудофиаи гражданӣ ва омодагӣ ба ҳолатҳои фавқулодда гузаронида шуда... Читать дальше...
Тибқи гузоришҳо, бар асари даргирӣ миёни Толибон ва Ҷабҳаи муқовимати миллии Афғонистон дар ноҳияи Хусти вилояти Бағлон, аз ҳар ду тараф чандин нафар кушта шудааст. Ҷабҳаи муқовимати миллӣ рӯзи душанбе бо нашри як баёния гуфт, ки чаҳор тан аз афроди ин Ҷабҳа ба шумули як фармондеҳ бо номи Руҳуллоҳ, дар ин даргириҳо кушта шуданд. Эъломия меафзояд, ки модари фармондеҳ Руҳуллоҳ ва се фарзанди вай захмӣ шудаанд. Ин эъломия мегӯяд, ки дар ин даргирӣ нӯҳ тан аз афроди Толибон кушта ва 16 тани дигар захмӣ шудаанд. Читать дальше...
