Хадамоти алоқаи Тоҷикистон иддао дорад, ки дар пайи иҷрои дастури президент Раҳмон нархи интернет дар кишвар 15 дарсад арзон ва суръаташ то се маротиба афзоиш ёфтааст. Коршиносон чунин иддаои масъулони хадамоти мухобиротиро бепоя медонанд.
Баъди силсилаи садамаҳои пурфоҷеа дар роҳҳои Тоҷикистон бо ширкати эҳтимолии ходимони полиси роҳ ё бозрасии давлатии автомобилӣ, дар ин сохтор санҷиши сартосарӣ ба роҳ монда шудааст.
Чанд корманди фурудгоҳи Душанберо барои гусели Дилшод Саидмуродов, гумонбар дар қатли Шӯҳрат Исматуллоев, муовини раиси “Ориёнбонк”, аз тариқи толор барои меҳмонони вижа ба рухсатии маҷбурӣ фиристодаанд.
Чаро оилаҳои ҷангиёни бозгашта аз Сурияву Ироқ то ҳол аз наздиконашон ҷудо ҳастанд?
Хадамоти алоқаи Тоҷикистон иддао дорад, ки сифати интернет беҳбуд ёфтааст, мутобиқати касбии афсарони Бозрасии давлатии Тоҷикистон санҷида мешавад, сарнавишти оилаҳои ҷангиёни бозгашта аз Сурияву Ироқ ва матолиби дигар.
Толибони Афғонистон умедворанд, ки дар муколамаи навбатии онҳо бо ИМА бекор шудани таҳримҳову боз шудани ҳисобҳои Бонки марказӣ ва ҳам аз феҳристи сиёҳи СММ берун шудани исми онҳо баррасӣ мешавад. Қарор аст ҳафтаи ҷорӣ дар Давҳаи Қатар ҳайате ба раҳбарии Том Вест, намояндаи вижаи ИМА оид ба Афғонистон бо намояндагони маъмурияти Толибон дидор ва гуфтугӯ мекунанд. Дар ин сафар инчунин Рино Амирӣ, фиристодаи вижа оид ба масоили занону духтарон ва масоили ҳуқуқи башар дар Афғонистон ҳузур хоҳад дошт. Читать дальше...
Ҷасади як зани 22-соларо дар Норак дар оғили хонаи шавҳараш овехта пайдо кардаанд. Ҳодиса рӯзи 22-уми июл сабт шудааст. Мақомот ҳанӯз сабаби марги Хайриниссо Ҳайдарова, сокини деҳаи Лангари шаҳри Норакро эълон накардаанд. Як тан аз пайвандони ӯ, ки нахост номаш зикр шавад, рӯзи 28-уми июл ба Радиои Озодӣ гуфт, сабаби марги хоҳараш барои онҳо муаммо аст. Хушдомани ин зан гуфтааст, рӯзи ҳодиса ӯ хушҳол буд ва аз чизе шикоят надошт. Аксари чунин ҳодисаҳоро мақомот худкушӣ унвон мекунанд. ... Читать дальше...
Гузоришгари вижаи СММ оид ба вазъи ҳомиёни ҳуқуқ қазияи ҳабси нӯҳ журналист ва ҳомии ҳуқуқ дар Тоҷикистон дар соли гузаштаро ба шиддат интиқод карда, ҳукми ҳар яки онҳо ва далелҳои ба ҷавобгарӣ кашидани онҳоро зери шубҳа бурдааст.
Вазорати корҳои хориҷии Тоҷикистон дар як изҳорот оташ задани Қуръон, китоби муқаддаси мусалмонон дар бархе кишварҳои аврупоиро маҳкум кардааст. Рӯзи 24-уми июл дар Копенҳагени Дания ду узви гуруҳи миллатгарои "Патриотҳои Дания" назди бинои сафорати Ироқ Қуръонро оташ заданд. Панҷшанбеи гузашта низ гуруҳе аз фаъолон ин корро дар назди сафорати Ироқ анҷом дода, парчами Ироқро зери по карданд. Вазорати корҳои хориҷии Тоҷикистон гуфтааст, “поймолкунии Қуръони маҷид эҳсосоти ҳама мусалмонони ҷаҳонро... Читать дальше...
Мақомот дар Минск хонаи дуутоқаи раҳбари мухолифони Беларус Светлана Тихановская ва ҳамсари зиндонии ӯро, ки мехост дар интихоботи соли 2020 номзади президентӣ шавад, фурӯхтанд.
Хадамоти алоқа бори дигар ваъда додааст, ки суръати интернетро беҳбуд мебахшад.
Дар Олтойи Русия дар натиҷаи суқути чархболи Ми-8 чаҳор кас ҷон бохтааст. Бино ба хабарҳо, чархбол ҳангоми нишастан ба сими барқ бархӯрдааст. Вазорати ҳолатҳои фавқулодаи Русия мегӯяд, дар чархбол 16 кас, аз ҷумла 3 халабон ҳузур дошт. Афроди дигар дасту пояшон шикаста ва сӯхтаанд. Ин чархбол ба ширкати "Олтой авиа" марбут буд. Ширкати мазкур хадамоти сайёҳӣ анҷом медиҳад.
Созмони ҷаҳонии ҳавошиносӣ ва Маркази пажӯҳишҳои иқлимии Иттиҳоди Аврупо рӯзи панҷшанбеи 27-уми июл дар баёния муштараке гуфтанд, ки шиддати гармӣ дар моҳи июли имсол "ба эҳтимоли фаровон рекордҳои қаблиро хоҳад шикаст".
Рӯзҳои 27 ва 28 июл дар шаҳри Остонаи Қазоқистон машқҳои зиддитеррористӣ баргузор мешавад. Дар ин бора Ситоди зидди терроризми Қазоқистон хабар медиҳад. Ҳангоми анҷоми ин машқҳо ҳаракати одамон ва нақлиёт маҳдуд мешавад. Маълум нест ин машқҳо маҳз дар кадом минтақаи Остона барпо мешаванд. Ҳадаф аз баргузории машқҳо санҷиши ҳолати омодабоши неруҳои амниятии Қазоқистон унвон шудааст. Аз ибтидои соли ҷорӣ мақомоти Қазоқистон дар чандин вилояти он кишвар чунин машқҳоро баргузор карданд
Муҳлати ҳабси пешакии ду фаъоли русиягӣ - Алена Крилова ва Лев Скорякинро дар Қирғизистон тамдид карданд. Дар ин бора ҳуқуқшиноси созмони "Адолат" Марат Кидиров хабар дод. Ба гуфтаи Кидиров, додгоҳҳои ноҳияҳои Якуми май ва Свердлови шаҳри Бишкеки Қирғизистон дархости Кумитаи давлатии амнияти миллии он кишварро дар мавриди тамдиди муҳлати ҳабси фаъолон қонеъ кардааст. Бино ба қарори додгоҳ, акнун онҳо то 4-уми сентябр дар ҳабс мемонанд. Пештар аз ин фаъолони русиягии дар Қирғизистон боздоштшуда... Читать дальше...
