Афзоиши рейду боздоштҳо дар Русия шумори муҳоҷиронро дар марказ ва боздоштгоҳҳои муваққатии Русия зиёд ва шароитро бад кардааст. Пайвастан ба артиш аз аввалин даъватҳоест, ки дар ин боздоштгоҳҳо, махсусан Сахарово ба муҳоҷирон пешниҳод мешавад.
Шикояти сокинони Кӯлоб: "Маҳалли зисти моро ба партовгоҳ табдил додаанд". Гузориши Маҳмудҷон Раҳматзода аз маҳаллаи "Сомониён"-и Кӯлоб.
Бозиҳои даври дуюми марҳилаи интихобии Ҷоми ҷаҳонии футбол-2026 дар қораи Осиё шаби сешанбеи 21-уми ноябр ба поён расиданд.
Дар шаҳри Кӯлоб бо ҳадафи таъмини сокинон бо оби ошомиданӣ ба сохтмони 18 обанбор оғоз кардаанд.
Мақомоти шаҳри Кӯлоб талош доранд, дастрасии сокинонро ба оби ошомиданӣ беҳтар кунанд. Аммо ба гуфтаи мақомдорон, миллионҳо сомонӣ қарзд аз пули об дар ин самт монеъа эҷод мекунад.
Барои фаъолияти шабонаи Китобхонаи миллии Узбекистон ба номи Алишери Навоӣ бештар аз 97 ҳазор доллари дигар ҷудо хоҳад шуд. Дар моҳи октябр ин китобхона фаъолияти шабонарӯзиашро қатъ карда буд. Китобхонаи миллии Узбекистон дар шаҳри Тошканд рӯзи 20 октябр фаъолияти шабонарӯзиашро қатъ карда буд. Ин тасмим барои сарфакории неруи барқ ва инчунин набуди кормандон барои басти шабона гирифта шуда буд. Айни замон китобхонаи мазкур аз соати 8 субҳ то 21 фаъол аст.
Мақомоти турк бо дархости Тоҷикистон як зани тоҷикро бо писараш боздошт кардаанд ва масъалаи истирдоди онҳо ба Душанберо баррасӣ доранд.
Давоми ду соли оянда давлати Тоҷикистон ҳаҷми кумакҳои иҷтимоиро барои хонаводаҳои камбизоат бештар мекунад. Файзиддин Қаҳҳорзода, вазири молия 15-уми ноябр дар Маҷлиси намояндагон гуфт, қарори ҳукумат қабул шуда, зиёдшавии мизони кумакҳо то соли 2025 идома хоҳад дошт.
Тибқи гузоришҳо, ҳукумати Исроил бо пешниҳоди оташбаси чоррӯза дар ивази мубодилаи 150 зиндонии фаластинӣ бо 50 гаравгон дар ихтиёри гурӯҳи "Ҳамос", мувофиқат кардааст. Дафтари нахуствазири Исроил эълон кардааст, ки 50 гаравгони зан ва кӯдак, ки дар дасти "Ҳамос" ҳастанд, тайи чор рӯз озод хоҳанд шуд.
Эмомалӣ Раҳмон, раиси ҷумҳури Тоҷикистон Тоҷикистон рӯзи сешанбе бо сафари расмӣ ба Русия рафт. Душанбе ва Маскав шарикони стратегӣ дониста мешаванд ва Русия дар хоки Тоҷикистон азимтарин пойгоҳи низомии хориҷиашро ҷой додааст ва низ соле то як миллион шаҳрванди Тоҷикистон ба Русия барои кор мераванд.
Аз оғози ҷанги Исроил алайҳи гурӯҳи фаластинии "Ҳамос" дастикам 50 хабарнигор кушта шудааст. Кумитаи дифоъ аз хабарнигорон гуфтааст, 45 хабарнигори кушташуда фаластинӣ, чаҳор тан исроилӣ ва як нафар аз Лубнон ҳастанд. Се корманди расонаҳо бедарак ва 11 кас маҷрӯҳ шуда, 18 нафари дигар дар ҳабс ҳастанд. Дар хабар гуфта нашудааст, ки ин рӯзноманигорон дар кадом расонаҳо кор мекарданд. Ба иттилои созмон, баъди оғози ҷанги Исроил зидди "Ҳамос" ҳамла ба рӯзноманигорон ва таҳдидҳо ба расонаҳо афзоиш ёфта, сензура пурзӯр шудааст. Читать дальше...
Тими миллии Арабистони Саудӣ дар даври дуюми марҳилаи интихобии Ҷоми ҷаҳонии футбол-2026 дар гурӯҳи G дар меҳмонӣ мунтахаби Урдунро бо ҳисоби 2:0 шикаст дод.
Додгоҳи шаҳри Алмато вакили пешини порлумони Қазоқистон ва раҳбари ҳаракати мухолифи "El Tiregi" Нурҷон Алтаевро, ки дар фасодкорӣ гумонбар мешуд, 10 сол зиндонӣ кардааст. Ҳамчунин Алтаев якумр аз ҳаққи фаъолият дар мансабҳои давлатӣ маҳрум шудааст. Ӯ, ки қаблан иттиҳомро рад карда буд, парвандаашро сиёсӣ номидааст. "Ман мақомотро танқид мекардам ва бинобар ин, маро зиндонӣ карданд", - гуфт ӯ дар додгоҳ. Айбдоркунандаи давлатӣ барои Алтаев 12 соли зиндон талаб карда буд. Парвандаи Алтаев... Читать дальше...
