Муфаттишон дар вилояти Хатлон таҳқиқ доранд, ки мошини хидматии раиси намояндагии "Амонатбонк" дар ноҳияи Восеъ дар назди хонааш худ оташ гирифт ва ё касе барқасдона сӯзонд. Ҳодиса шаби 26 ба 27-уми декабри соли 2023 рӯй додааст.
Дар ноҳияи Восеи вилояти Хатлон мошини хидматии сардори “Амонатбонк” оташ гирифтааст. Ҳоло маълум нест, ки ҳодиса тасодуфӣ аст ё амали барқасдона. Сӯхтори мошинҳои хидматии мансабдорон бори аввал нест.
Баъд аз қатли як мақоми баландпояи гурӯҳи “Ҳамос” дар Лубнон нигарониҳо аз доман задани ҷанг дар тамоми Ховари Миёна бештар авҷ гирифт.
Баъд аз қатли як мақоми баландпояи гурӯҳи "Ҳамос" дар Лубнон нигарониҳо аз доман задани ҷанг дар тамоми Ховари Миёна бештар авҷ гирифт. Солеҳ Орурӣ шаби сешанбе дар як ҳамлаи паҳпод кушта шуд.
Шумораи ҷонбохтагони заминларзаи рӯзи 1-уми январ дар Ҷопон ба 64 нафар расид. Ин ҳодиса аз соли 2016 ба ин сӯ пурқурбонитарин дар Ҷопон будааст.
Шуруъ аз 1 январ дар Қазоқистон барои шаҳрвандони хориҷӣ ва афроди бешаҳрвандӣ тартиботи нав ҷорӣ шуд.
Шавкат Мирзиёев, президенти Узбекистон 2-юми январ дар ҷаласае дастур додааст, ки омодабошӣ ва зарфияти ҷангии артиш тақвият дода шавад.
Ба гузориши расонаҳои ҳукуматии Эрон, дар натиҷаи ду таркиш дар шаҳри Кирмон дастикам 103 кас ҷон бохтааст.
Субҳи 3-юми январ нашрияи Egemen Qazaqstan мусоҳиба бо президенти Қазоқистон Қосимҷомарт Тоқаевро нашр кард. Яке аз мавзуҳои асосии ин мусоҳиба ҳодисаҳои январии соли 2022 аст.
Раиси як хоҷагии деҳқониро дар ноҳияи Дӯстӣ ба гуноҳи ҳамкорӣ бо "Ислоҳ ТВ", сомонаи наздик ба мухолифони ҳукумати Тоҷикистон (қисми дуи моддаи 3073-и Кодекси ҷиноӣ) ба панҷ сол зиндон маҳкум кардаанд.
Вазорати корҳои хориҷии Қирғизистон рӯзи 2-юми январ гуфт, шаҳрвандони ин кишвар дар заминларзаи Ҷопон осеб надидаанд. Аммо панҷ қирғизистонӣ аз шаҳри Тояма - наздик ба маркази заминларза - ба ҷои амн кӯчонида шудаанд.
Порлумони Тоҷикистон баъд аз тақрибан як сол (28 декабри 2023) фармони президентро дар бораи барканории Ширин Амонзода аз мансаби вазири кору муҳоҷират тасдиқ кард. Ӯ 23-юми январи 2023 аз мақом озод шуда буд. Дар фармон сабабро “гузаштан ба кори дигар” гуфтаанд, вале ӯ ҳеч мақоме нагирифт.
Жанел Шахан, яке аз фаъолони ҳаракати Oyan, Qazaqstan-ро ба идораи пулис даъват кардаанд.
Хабаргузории расмии Лубнон навишт, ки Солеҳ Арурӣ, муовини роҳбари сиёсии гурӯҳи "Ҳамос", дар ҳамлае ба ҷануби Бейрут кушта шуд.
Соли 2024 ба бозгашти "Толибон" ба қудрат дар Афғонистон се сол пур хоҳад шуд. Ин гурӯҳи тундрав даъватҳои ҷомеаи байнулмилалиро барои ислоҳи тарзи рафтораш, бахусус дар заминаи риояи ҳуқуқи занон, нодида мегирад ва дар айни замон эътирофношуда мемонад.
Федератсияи байнулмилалии ҷудо (IJF) дар сомонаи расмии худ аз рӯи натиҷагирии мусобиқоти соли 2023 феҳристи варзишгаронро дар радабандии инфиродии ҷаҳонӣ ва олимпӣ нашр кард.
Ҳазорҳо узбекистонӣ, ки орзуи арзонтар харидани мошинҳои истеҳсоли худиро доранд, мегӯянд, бо вуҷуди ду рӯз нишастан дар назди компютер ё телефон натавонистанд тавассути платформаи “УзАвтоСавдо” бо ширкати мошинсоз қарордоди онлайнӣ банданд.
Баъзе аз сокинони Тоҷикистон аз муносибати, ба гуфтаашон, дағал ё нодурусти табибон дар бемористонҳо шикоят доранд. Чанд рӯз пеш раиси ҷумҳурӣ низ дар паёми солонааш аз пизишкон хост, ки одоби баланди муошират дошта бошанд ва бо корафтодаҳо нек рафтор кунанд. Аз чанд роҳгузар дар маркази вилояти Хатлон пурсидем, ки оё аз муносибати пизишкон бо беморону наздикони онҳо розиянд? Ва агар эътирозе доранд, аз чист?
Кормандони ширкати "West Oil" дар деҳаи Жетибойи вилояти Манғистауи Қазоқистон 21 рӯз мешавад, ки коршиканӣ мекунанд.
Гуруҳи ҷиноие дар шаҳри Дубай як шаҳрванди Узбекистонро гаравгон гирифта, бо таҳдиди қатли ӯ 200 ҳазор доллар талаб кардааст.
Вазорати меҳнат, таъмини иҷтимоӣ ва муҳоҷирати Қирғизистон хабар додааст, ки ҳаҷми кумакпулӣ барои ҳомиладорӣ ва таваллуд дар ин кишвар аз 1 январ зиёд мешавад.
Ҳавопаймои мусофирбари ширкати ҳавопаймоии "Japan Airlines" ҳангоми ба замин нишастан дар фурудгоҳи Ханэдаи шаҳри Токио оташ гирифтааст.
