Радиои Озодӣ видеои латукӯби сарбозеро ба даст овард, ки эҳтимолан сабаб шуд, Эмомалӣ Раҳмон, раиси додгоҳи ноҳияи Шамсиддини Шоҳинро аз мақомаш барканор кунад. Фармони барканории Зоҳир Муминзода, рӯзи 18-уми июл содир шуд ва ӯ дигар ҳаққи кор дар ин соҳаро ҳам надорад.
Қарор аст, Думаи давлатии Русия ҳафтаи оянда тарҳи қонунеро баррасӣ кунад, ки ихроҷ ва ё рондани муҳоҷирони ғайриқонунӣ аз ин кишварро осон месозад.
Дар натиҷаи задухурди маъмурони пулис бо донишҷӯёни норозӣ дар шаҳри Дакка, пойтахти Бангладеш даҳҳо кас кушта ва садҳо нафари дигар захмӣ шудааст.
Муқим Ашӯров, соҳибкор ва қудои сарвазири Тоҷикистон аз боздошт раҳо шуд. Муқим Ашӯров гуфт, иттиҳоми қаллобӣ ки ба ӯ заданду дастгираш карданд, як нофаҳмӣ буд. Соҳибкори тоҷик афзуд, моҷаро сари қарз буд, ки пардохт ва ҳоло ба кораш идома медиҳад.
Дар Фархор ҷазои марде барои азияти зани ҳамсояаш сангинтар шуд.
Режими раводид сафар ба Туркия ва тиҷорат бо ин кишварро душвортар кардааст.
Бо сабаби пайдо шудани мушкил дар барномаи компютерии Windows, фурудгоҳ, истгоҳҳои роҳи оҳан, бонкҳо, марказҳои тиҷоратӣ, шабакаҳои телевизионӣ, идораҳои давлатӣ, беморхона ва дорухонаҳо дар чандин кишвари дунё аз кор монданд.
Додгоҳи вилоятии Свердловски Русия Эван Гершкович, хабарнигори нашрияи амрикоии "The Wall Street Journal"-ро бо иттиҳоми ҷосусӣ ба 16 соли зиндон маҳкум кард. Ҳукми 19-уми июл содир шуд. Рӯзноманигор дар додгоҳ иттиҳомро рад кардааст.
Додгоҳи ноҳияи Юнусободи шаҳри Тошканд 19 июл соҳибнуфузи олами ҷиноии Узбекистон Бахтиёр Қудратуллоев, маъруф ба “Бахти Тошканди”-ро дар содир кардани як қатор ҷиноятҳо гунаҳкор эълом ва 20 сол зиндонӣ кардааст.
Қирғизистон 19 июл дар доираи барномаи башардӯстонаи "Айкол-6" 22 шаҳрванди худро аз Сурия ба ватан баргардондааст.
Дар маркази шаҳри Телавив дар натиҷаи ҳамлаи бесарнишин, як нафар ҷон бохтааст. Ҳодиса шаби 19-уми июл, чанд метр дуртар аз Сафорати ИМА рух дода, ҳашт нафари дигар захмӣ шудаанд.
Мирҳусайн Назриев ба Радиои Озодӣ гуфт, 11-уми июл вақте намояндагони идораи сохтмони роҳу пулҳои Душанбе барои тахриби манзили ӯ меоянд, писаронаш қарори додгоҳ талаб мекунанд.
Ҷанҷол сари қимати хона дар шаҳри Душанбе ба гуфтаи як сиёсатмадори тоҷик сабаб шудааст, ки фарзандони ӯро дастгир ва худашро маҷбур кунанд, зери санади дилхоҳи ширкати роҳсозӣ имзо кунад.
Лоиқ Раҷабов, варзишгари тоҷик ба муҳорибаи навбатиаш дар ташкилоти UFC омодагӣ мебинад. Рақиби ӯ Трэй Огден, варзишгари амрикоӣ аст. Муҳориба 20 июл дар шаҳри Лас-Вегаси Амрико баргузор мешавад.
Муҳоҷирон дар вилояти Томски Русия аз ҳаққи кор дар таксӣ, нуқтаҳои фурӯшу истеҳсоли ғизо ва соҳаи маориф маҳрум карда шуданд.
Дар пайи сахттар шудани буҳрони иқтисодӣ дар Туркманистон шумори онҳое, ки мехоҳанд бар ивази пул хун супоранд, дар вилояти Лебапи ин кишвар якбора афзоиш ёфтааст.
Деҳаи олимпӣ, ки барои Бозиҳои XXXIII тобистонаи олимпии соли 2024 дар Париж сохта шудааст, расман ифтитоҳ ёфт. Рузи аввал дастаҳои мунтахаби Австралия ва Бразилия ба Деҳаи олимпӣ омаданд.
Дастаи мунтахаби футзали Тоҷикистон барои ширкат дар мусобиқаи байналмилалӣ ба хотираи собиқ президенти Ассотсиатсияи футболи Узбекистон Мираброр Усмонов 18-уми июл ба шаҳри Тошканд сафар кард.
