Сафарҳои пайдарпайи Эмомалӣ Раҳмон, раиси ҷумҳури Тоҷикистон ба кишварҳои арабӣ ин суолҳоро барангехтааст, ки ҳадаф аз ин чист? Ҷалби сармояи кишварҳои сарватманди арабӣ ва ё нишон додани ҳамраъйии Тоҷикистон бо кишварҳои мусулмонон дар масоили байналмилалӣ?
Як ҷавони тоҷикро барои он аз Русия берун кардаанд, ки ба қавли мақомот видеоҳои ҷанги солҳои 90-ум дар Чеченистонро дар Ютуб тамошо кардааст. Ба гуфтаи марзбонони фурудгоҳи Внуковои Маскав ин ҷавони тоҷик русҳоро дӯст намедорад ва барои ҳамин набояд ба Русия биёяд.
Бо ҳукми "Толибон" як мардро бо номи Муҳаммадайёс Асад дар шаҳри Гардези Афғонистон дар пеши чашми мардум ба қатл расондаанд.
Тоҷикистон барои мутобиқ кардани кишвар ба тағйири иқлим ва гузаштан ба иқтисоди “сабз” ба 96 миллиард доллар ниёз доштааст. Ин нукта дар гузориши Тоҷикистон дар бораи иқлим ва рушд, ки аз сӯи Бонки Ҷаҳонӣ ва Кумитаи ҳифзи муҳити зисти кишвар таҳия шуд, зикр гаштааст.
Думаи Давлатӣ, порлумони Русия, рӯзи 13-уми ноябр аз тарҳи қонуне ҷонибдорӣ кард, ки ҷазоро барои ташкили муҳоҷирати ғайриқонунӣ сахттар мекунад.
Ҷо Байден, президенти Амрико, рӯзи 13-уми ноябр Доналд Трампро ба ҳузур пазируфт ва ҳамроҳаш гап зад. Доналд Трамп, ки ҳафтаи гузашта президенти Амрико интихоб шуд, 20-уми январи соли оянда бояд Байденро дар мақоми раҳбари Иёлоти Муттаҳида иваз кунад.
Ҷасади Ботир Эргашев, сарбози Нерӯҳои марзбонии КДАМ-ро, ки дар як қисми низомӣ дар ноҳияи Шамсиддини Шоҳин хидмат мекард, дар зодгоҳаш - деҳаи Деҳмойи ноҳияи Ҷаббор Расулов - дафн карданд, аммо суолу тахминҳо дар бораи марги ӯ боқист. Вай 20-сола буд.
Мақомоти Амрико ва Лаҳистон (Полша) пойгоҳи дифои зиддимушакиро, ки пештар бо мухолифати Русия дучор шуда буд, дар шимоли Редзиковои Лаҳистон боз карданд.
Дар ҳамлаи ҳавоии Исроил ба хонае дар шимоли Ғазза рӯзи 13-уми ноябр се фарзанди як оила кушта шудааст. Хабаргузории "Ассошиэйтед Пресс" аз қавли пизишкон навишт, ки кӯдакон то шашсола буданд.
Мурофиаи аввалини баъзе аз шахсиятҳои шинохта дар Тоҷикистон, ки қазияашон бо номи парвандаи "табаддулот" маъруф аст, рӯзи 14-уми ноябр паси дарҳои баста дар Боздоштгоҳи муваққатии Душанбе поён ёфт.
Доналд Трамп, президенти мунтахаби Амрико, Марко Рубио, сенатори ҷумҳурихоҳро аз Флорида номзад ба курсии котиби давлатӣ ё вазири корҳои хориҷии Иёлоти Муттаҳида эълон кард.
Додгоҳи олии Тоҷикистон рӯзи 14-уми ноябр баррасии парвандаи чеҳраҳои шинохтаро оғоз кард. Мурофиа дар бинои Боздоштгоҳи муваққатии Душанбе паси дарҳои баста оғоз шуд. Ба ҷуз вакилони дифоъ, дигар хешовандонро ба мурофиа роҳ надоданд.
Дар натиҷаи ҳодисаи нохуше дар маҳалли сохтмони неругоҳи барқии "Роғун" се коргар ба ҳалокат расида, як каси дигар маҷруҳ шудааст. Ба гуфтаи мақомот, ҳодиса рӯзи 12-уми ноябр рух додааст.
Доналд Трамп ва Ҷо Байден рӯзи чаҳоршанбеи 13-уми ноябр дар Кохи Сафед вохӯрданд. Хабарнигорон танҳо ҳудуди як дақиқа иҷозаи ҳузур дар толори вохӯриро доштанд. Онҳо дар ин муддат шуниданд, ки Трамп барои интиқоли ороми қудрат ба Байден сипосгузорӣ кардааст.
