Сафари давлатии Доналд Трамп ба Бритониё оғоз шуд
Доналд Трамп, раиси ҷумҳури Амрико бо сафари серӯзаи давлатӣ ворид Бритониё шуд. Қарор аст, ӯ ва ҳамсараш Мелания рӯзи 3-уми июн бо хонаводаи салтанатии Бритониё ва аз ҷумла Малика Элизаветаи дуввум дар Кохи Букингем мулоқот кунад.
Пеш аз вуруд ба Лондон, ӯ раиси ин шаҳр Содиқ Хонро дар Твиттер “як бозандаи сангдил” номид, чун ӯ ҳукумати Бритониёро барои истиқболи бошукӯҳи Доналд Трамп танқид кард. Сафари Трамп ба Лондон дар замоне сурат мегирад, ки Бритониё ба сабаби масъалаи хуруҷ аз Иттиҳодияи Аврупо ба бӯҳрони сиёсӣ гирифтор шудааст.
Тереза Мей нахустазири кишвар чанде пеш истеъфо дод. Трамп қабл аз сафар баёниҳояе баҳсбарангезе дар бораи Бритониё дод ва аз ҷумла гуфт, ки Борис Ҷонсон, вазири собиқи умури хориҷӣ метавонад, як нахуствазири “олӣ” бошад.
Ӯ гуфт, ки вориси Тереза Мей пули хуруҷ ба Иттиҳодияи Аврупоро напардозад ва ин иттиҳодияро бе ҳеҷ созише тарк кунад. Ҳангоми наҳори давлатии Доналд Трамп бо Элизаветаи дуввум, садҳо нафар қасд доранд, ба нишони эътироз аз сафари ӯ “наҳории мардумӣ” ташкил кунанд .