Аз ҳукумати Русия хостанд, қотилони ҳомии ҳуқуқро ёбад
Гурӯҳҳои байналмилалӣ ва дохилии ҳомии ҳуқуқи инсон дар Русия, ҳукумати ин кишварро танқид карданд, ки бо гузашти 10 сол аз қатли бераҳмонаи ҳомии ҳуқуқ Наталя Естемирова, омилони ҷиноятро беҷазо гузоштааст. Ӯро 15-уми июли соли 2009 дар шаҳри Грозний пойтахти Чеченистон рабуданд ва ҷасади тирбороншудаашро баъдан дар Ингушистони ҳамсоя ёфтанд.
Наталя Естемирова то замони маргаш дар “Мемориал” кор мекард. Ин созмон ва 11 созмони дигари дохилӣ ва байналмилалии ҳуқуқи инсон бо нашри як баёнияи муштарак масъулияташро иҷро кунаду гунаҳкоронро ба ҷавобгарӣ кашад. Дар баёния омадааст, мақомоти Русия бояд “дар ниҳоят вазифаҳои худро иҷро кунанд, парвандаи қатлро ҳамаҷониба ва холисона тафтиш кунанд, ҷинояткоронро ба ҷавобгарӣ бикашад ва ба нодида гирифтани нақзи ҳуқуқи инсон дар Чеченистон хотима бигузорад.
”Дидбони Ҳуқуқи Башар ва Афви Байналмилал ҳамин баёнияро рӯзи 15-уми июл бо забони англисӣ нашр карданд. Эстемирова раиси дафтари “Мемориал” дар Чеченистон буд ва доир ба нақзи ҳуқуқи инсон дар инҷо ва дигар ҷумҳуриҳои Қафқоз дар Русия менавишт.