Узбекистон аз сифр Андиҷони нав месозад
Андиҷони нав дар наздикии Андиҷони кунунӣ барои беш аз 450 ҳазор одам сохта мешавад. Масоҳати умумии он чор ҳазор гектарро ташкил медиҳад, ки ду ҳазор гектар барои баландошёнаҳои зист, иншоотҳои иҷтимоӣ, хидматрасонӣ ва минтақаи саноатӣ пешбинӣ шуда, дар ду ҳазор гектари дигар мақомот мехоҳанд, "минтақаи сабз"-ро бунёд кунанд.
Шаҳр дар чаҳор марҳала, аз соли 2021 то 2041 бунёд хоҳад шуд. Соли равон аз ҳисоби Бунёди бозсозӣ ва рушд барои сохтмони он 100 миллион доллар ҷудо карда мешавад. Дар марҳалаи аввал 170 бинои баландошёнаи зист, мактаб, боғча ва бунгоҳи тиббӣ мавриди истифода қарор хоҳад гирифт.