Orsýet Krymda ýene bir S-400-li diwiziýa ýerleşdirdi
Orsýet Ukrainanyň anneksiýa edilen Krym sebitine kämilleşdirilen S-400 howa goragy sistemasy bilen ýaraglandyrylan täze goşun birleşmesini ýerleşdirdi.
Orsýetiň döwlet mediasynyň 13-nji ýanwardaky habarlaryna görä, Moskwa Sewastopol şäheriniň daşynda täze diwiziýa ýerleşdirdi. Mälim bolşy ýaly, bu ýerde Orsýetiň Gara deňiz floty hem ýerleşýär.
Bu Orsýetiň Krymda ýerleşdiren ikinji S-400 sistemaly diwiziýasy bolýar, Moskwa ozal, 2017-nji ýylyň başynda demirgazykdaky port şäheriniň, Fedosianyň golaýynda hem şeýle ýaragly diwiziýa ýerleşdiripdi.
S-400 400 kilometre çenli uzaklykdaky howa hüjümlerini, 60 kilometr aralykdaky ballistik raketalary serpikdirmäge ukyply diýip hasaplanylýar.
Orsýet Ukrainanyň Krym sebitini 2014-nji ýylyň martynda anneksiýa etdi we bu ýagdaý ABŞ-nyň, ÝB-niň we beleki ýurtlaryň Moskwa garşy ykdysady sanksiýa girizmegine itergi berdi.