Rumyniýada on müňlerçe adam korrupsiýa garşy protest bildirýär
Rumyniýalylaryň on müňlerçesi Buharestiň köçelerine proteste çykdy, olar dolandyryjy Sosial demokratlaryň teklip edýän adalat reformalaryna garşy çykýarlar.
Garşydaşlar teklip edilýän reformalaryň ýokary derejelerde edilýän korrupsiýany derňemegi has kynlaşdyrjakdygyny aýdýarlar.
20-nji ýanwarda, demonstrasiýaçylar rumyn paýtagtynyň Uniwersitet skwerinde toplananda, protestçiler bilen pitne garşy polisiýanyň arasynda gysga wagtlyk tutluşyklar hem boldy,
Bu protest geçen aý parlamentde tassyklanan kanun taslamasyna jogap hökümnde gurnaldy. Tankytçylar bu kanun taslamasynyň sudlaryň garaşsyzlygyny gowşatjakdygyny, täze tekliplerde käbir korrupsiýa faktlarynyň jenaýat hasaplanylmaýandygyny aýdýarlar.
20-nji ýanwarda tassyklanan kanun taslamasyna, kanuna öwrülmegi üçin, prezident hem gol çekmeli.