Azerbaýjanda ýene bir oppozision partiýa irki saýlawlary boýkot etdi
“Musawat” Azerbaýjandaky esasy iki oppozisiýa güýjüniň biri bolup durýar. Beýleki partiýa, Demokratik Güýçleriň milli geňeşi hem 6-njy fewralda özüniň bu saýlawy boýkot etjekdigini aýtdy.
Bu habarlar prezident Ylham Alyýewiň 5-nji fewralda saýlawlary ozalky senesinden, 17-nji oktýabrdan 11-nji aprele, bärik süýşürmek barada çykaran kararynyň yz ýanyna gabat geldi.
Alyýewiň kararynda saýlawyň näme üçin irki möhlete geçirilýändigi aýdyňlaşdyrylmaýar, emma bu üýtgeşmäniň Azerbaýjanyň Konstitusiýasyna we Saýlawlar baradaky kanunyna laýyk gelýändigi aýdylýar.
Hajyly bu möhlet üýtgetmesini “Alyýewiň dolandyryşyny ýene bir ýedi ýyla uzaltmak operasiýasy” hökmünde ýazgardy.