Malala ekstremistik ideologiýa garşy göreşmäge çagyrýar
“Men köp adamlaryň diňe bir ekstremizme däl, eýse ideologiýa garşy hem çykjakdyklaryna umyt edýärin” diýip, Malala anna güni beren interwýusynda belledi.
ABŞ-nyň gepleşiginde eden çykyşynda Malala: Biz aýallaryň erkeklerden ala tutulýan, olaryň bilim almak hukugyny çäklendirýän ideologiýa garşy göreşmelidiris” diýip, hem sözüne goşdy.
20 ýaşly Malala 2012-nji ýylda mekdepden öýüne dolanyp gelýän pursady “Talyban” söweşijisi tarapyndan kellesine atylypdy. Jeňçiler Malalanyň gyzlaryň bilim almagy ugrunda kampaniýa alyp baranlygy üçin, oňa hüjüm edipdiler.
Malala 2014-nji ýylda Parahatçylyk boýunça Nobel baýragyny aldy. Ol häzir Oksford Uniwersitetinde bilim alýar.