Kabuldaky bomba hüjüminde alty esger ýaralandy
Ministrligiň beýanatynda 4-nji aprelde Owganystanyň Milli armiýasynyň agzalary geçip barýan mahaly, elektrik energiýasyny aralyga geçirýän diňde ýerleşdirilen iki magnitli bombanyň partladylandygy aýdylýar.
Mundan ozal, Saglyk ministrliginiň resmileri ýurduň Goranmak ministrliginiň golaýynda bolan hüjümiň yz ýany, üç adamyň keselhana ýerleşdirilendigini aýdypdylar.
Bu hüjümiň jogapkärçiligini häzirlikçe hiç kim öz üstüne almady.
21-nji martda, Nowruz baýramy bellenilýän wagty janyndan geçeniň Kabuldaky şaýy musulmanlarynyň metjidiniň daşyna eden hüjüminde azyndan 29 adam ölüpdi.
Şol hüjümiň jogapkärçiligini “Yslam döwleti” topary öz üstüne alypdy.