Şu gün, ýagny 25-nji maýda Türkmenistanyň orta mekdeplerinde 11-nji synpy, ýagny mekdebi tamamlaýan okuwçylar üçin Soňky jaň dabaralary geçirildi. Azatlyk Radiosynyň Daşoguz welaýatyndaky çeşmeleri bu dabaralar üçin ýygnalýan puluň möçberiniň aşa köplügi sebäpli, käbir ene-atalar bilen çagalarynyň arasynda düşünişmezlikleriň bolup, munuň ýaşlaryň öz janyna kast etmek synanyşygyna çenli alyp barandygyny habar berýärler.
