Kabulda partlamada azyndan 20 adam öldi
Içeri işler ministrligi janyndan geçeniň özüni Kabulyň günbataryndaky Daşt-e Barçi sebitindäki türgenleşik merkeziniň içinde partladandygyny habar berdi. Wakanyň bolan ýerine žurnalistler we howpsuzlyk güýçleri geleninden soň, içi bombaly ulag partladyldy.
Ölenleriň arasynda ýerli habar gullugynyň iki işgäri hem bar. Mundanam başga, partlamada dört žurnalist we ýedi polisiýa işgäri ýaralandy.
Hüjümiň jogapkärçiligini “Yslam döwleti” ekstremistik topary öz üstüne aldy.