Orsýetiň we Siriýanyň hökümet uçarlary Siriýanyň Idlib welaýatyny bombalady
Siriýanyň adam hukuklaryna gözegçilikedýän obserwatoriýasy 8-nji sentýabrda urlan zarbalaryň Siriýanyň prezidenti Başar al-Assadyň hökümetiniň bu sebite hüjüm etmek barada bir aý ozal atan haýbatyndan bäri “iň gazaply” reýdler bolandygyny aýdýar.
Adam hukuklary topary 60-a golaý rus uçarynyň welaýata günüň ir sagatlarynda üç sagatlap agyr zarba urandygyny aýdýar.
Siriýanyň dikuçarlary bolsa, aýdylmagyna görä, Han Şeýkun şäheriniň eteklerindäki jaýlaryň ýokarsyndan “barrel bombalaryny” – partlaýjy bilen doldurylan demir konteýnerleri taşladylar.
Bu hüjümler Eýranyň, Orsýetiň we Türkiýäniň prezidentleriniň duşuşan gününiň ertesi edilýär. Olar Idlibde ýaraşyk baglaşmagy ýola goýmak barada ylalaşyp bilmediler.