ABŞ-nyň ÝHHG-daky missiýasy Türkmenistandaky adam hukuklary boýunça aladalaryny beýan etdi
Birleşen Ştatlaryň Ýewropada Howpsuzlyk we Hyzmatdaşlyk Guramasyndaky missiýasy Türkmenistandaky zorlukly ýitirim edilmeler babatda beýanat ýaýratdy. Ýaýradylan beýanaty ÝHHG-niň Adam ölçegleri boýunça golaýda Warşawada geçiren duşuşygynda Birleşen Ştatlaryň Döwlet departamentiniň Ýewropa we Ýewraziýa meseleleri boýunça orunbasarynyň kömekçisi Maýkl Mörfi (Michael Murphy) jemgyýetçilige ýetirdi.