Eýran özüniň Pakistan bilen serhediniň golaýynda dört söweşijiniň öldürilendigini aýdýar
Eýranyň Yslam Rewolýusion gwardiýasy ýurduň günorta-gündogaryndaky Sistan-Balujystan welaýatynda, Pakistanyň golaýyndaky “Sarawan” serhet geçelgesinde dört söweşijiniň öldürilendigini aýdýar.
28-nji sentýabrda Eýranyň resmi mediasynda çap edilen beýanatda agzalýan gwardiýa “eýran güýçleri dört terroristi öldürdi we başga-da iki sanysyny ýaralady” diýýär.
“Terrorist toparyň beýleki agzalary goňşy döwlete gaçyp gitdi’ diýlip, beýanatda toparyň “dünýäniň tekepbir häkimiýeti” bilen ilteşiklidigi aýdylýar.
Sistan-Balujystan welaýatynda Eýranyň howpsuzlyk güýçleri söweşijiler we neşe gaçakçylary bilen yzygiderli çaknyşýar. Bu welaýat owgan gök narynyň we geroininiň kontrabanda ýollar arkaly geçirilýän ugrunda ýerleşýär.